Para comezar con esta andaina, @s mestras propuxéronnos realizar unha actividade sobre o Nadal, ao que respondemos encantad@s, son unhas datas máxicas e gústannos moito. 

Así, o grupo de 1.º e 2.º de primaria debuxamos os nosos desexos para o Nadal e, despois, fixemos un vídeo para contárvolos. 

Aí vos deixamos o vídeo, agardamos que vos guste: 

Agora tócalle a quenda ao grupo de 4.º de primaria. Tamén traballamos sobre o Nadal, pero desde unha perspectiva temporal, coñecendo como pasaban estas datas os nosos maiores. 

Agardamos que vos guste! 

Por útlimo, é a quenda do alumnado de 6.º que tamén entrevistou aos seus familiares para coñecer cales eran as inquedanzas e o que botarían de menos este Nadal. Agardamos que vos gusten! 

 

A través desta actividade pretendemos, por un lado, achegarnos ao Nadal que vivían os nosos avós e as nosas avoas; por outro lado, coñecer cal é a visión dos nosos familiares respecto a como serán as celebracións este ano; e, por último, indagamos no que para nós é o máis importante destas datas. 

Agardamos que gocedes con esta actividade! Hai moitas maneiras de pasalo ben!

Benvida

 Benvidos e benvidas ao blog do proxecto de innovación en dinamización lingüística do CPI de Xanceda durante o curso 2020/2021.

Somos o alumnado de 1.º, 2.º, 4.º e 6.º de Educación Primaria. 

Esta plataforma será a que empreguemos para dar visibilidade ás nosas creacións e, por extensión, ao noso proxecto. 

Comezamos este proxecto con moita ilusión e moitas ganas de darlle o valor que a nosa lingua ten. 

Pretendemos convertirnos nunha especie de xornalistas durante o curso, para o cal imos traballar diferentes aspectos relacionados coas áreas curriculares e cos elementos transversais. Imos enfocar o proxecto baseándoo nos seguintes eixos: 

• A información, principalmente da nosa contorna. 
• A tradición. 
• O papel da muller na nosa sociedade. 
• A lingua galega como elemento comunicador. 
  

Agardamos que gocedes das actividades que vaiamos realizando! 

 Imos aló!!!!!